31 may 2011-cu il tarixində Quba rayon Amsar kənd tam orta məktəbində Son Zəng mərasimi keçirildi. Mərasimdə məktəbimizin məzunları, valideynlər, müəllim və şagird kollektivi iştirak etdilər. Tədbiri giriş sözü ilə məktəbin direktoru Habil Bayramlı açaraq bütün tədbir iştirakçılarını salamladı. Sonra isə bu günün səbəbkarlarını - onbirinciləri öz yerlərini tutmağa dəvət etdi. Habil müəllim çıxış edərək məzunlarımızı məktəbi bitirmələri münasibətilə təbrik etdi, onlara xosbəxt həyat və gələcək işlərində böyük müvəffəqiyyətlər arzuladı. Onlara daim bu məktəbin adını uca tutmağı, həyatın enişli-yoxuşlu yollarından, çətin sınaqlarından üzüağ, alnıaçıq çıxmağı tövsiyə etdi.